Í Háaleitis- og Bústaðahverfi var ökumaður handtekinn skömmu fyrir klukkan 1 í nótt en hann ók um í stolnu ökutæki og var í annarlegu ástandi. Hann var fluttur í fangageymslu.
Í Miðborginni var tilkynnt um skemmdarverk á aksturhliði á öðrum tímanum í nótt. Hugsanlegt að ekið hafi verið á hliðið og svo stungið af. Eftirlitsmyndavélar eru á vettvangi.
Klukkan 1 í nótt var akstur ökumanns stöðvaður í Hafnarfirði en sá var að draga snjóþotu sem ungmenni voru á. Málið tilkynnt foreldrum og barnaverndarnefnd.
Tveir ökumenn voru handteknir grunaðir um að vera undir áhrifum fíkniefna og einn var kærður fyrir að aka sviptur ökuréttindum.