Hæstiréttur hefur staðfest sýknudóm í máli Manuelu Ósk Harðardóttur sem gefið var að sök að hafa svipt barnsfeður sína tvo valdi og umsjón með börnum þeirra. Vísir greindi fyrst frá. 

Áður hafði athafnakonan verið sýknuð bæði í héraði og í Landsrétti. Í frétt Vísi kemur fram að Manuela hafi verið ákærð fyrir brot á 193. grein almennra hegningarlaga en henni hafi aldrei áður verið beitt í sams konar máli.Greinin hljóðar svo: Hver, sem sviptir foreldra eða aðra rétta aðilja valdi eða umsjá yfir barni, sem ósjálfráða er fyrir æsku sakir, eða stuðlar að því, að það komi sér undan slíku valdi eða umsjá, skal sæta sektum … ¹⁾ eða fangelsi allt að 16 árum eða ævilangt.

Málið hófst árið 2017 þegar Manúela var dæmd fyrir að brjóta gegn Haag-samingnum með ólögmætu brottnámi tveggja barna sinna. Flutti hún með börnin til Los Angeles í Bandaríkjunum og var henni gefið að sök að hafa ekki aflað tilskilinna leyfa frá barnsfeðrum sínum. Var feðrunum afhent vegabréf barnanna og héldu þeir í kjölfarið til Íslands með börnin.

Nánar er fjallað um dóm Hæstaréttar á vef Vísis