Þegar lögreglumenn gáfu ökumanni bifreiðar merki um að stöðva aksturinn í nótt sinnti hann þeim ekki og reyndi að stinga af. Eftirförin hófst í Garðabæ en lauk á Dalvegi í Kópavogi þegar ökumaðurinn ók á lögreglustöðina og þar með lauk akstri hans. Hann var handtekinn en hann er grunaður um að hafa verið undir áhrifum áfengis og hann reyndist vera sviptur ökuréttindum.
Lögreglunni barst tilkynning um innbrot í heimahús. Þegar lögreglan kom á vettvang kom í ljós að fyrrum leigutaki hafði brotið sér leið inn í húsið. Málið var afgreitt á vettvangi.
Einn var handtekinn grunaður um of hraðan akstur, að vera undir áhrifum fíkniefna og að auki reyndist hann vera sviptur ökuréttindum.
