Á deild 12G, hjarta-, lugna- og augnskurðdeild, hefur nú greinst COVID-19 smit hjá fjórum sjúklingum. Rakning og skimun stendur yfir meðal sjúklinga, aðstandenda og starfsmanna en ekki er vitað á þessari stundu hvernig smitið barst inn á deildina. Þetta kemur fram í tilkynningu frá samskiptastjóra Landspítalans.

Deildin er nú lokuð fyrir innlögnum og heimsóknum. Á Landspítala eru enn í gildi reglur um grímuskyldu og fjarlægðartakmörk ásamt persónulegum sóttvörnum. Ættingjar eru beðnir um að koma ekki á spítalann sýni þeir einkenni COVID-19 og grímuskylda gildir um þá. Mörg smit greinast nú í samfélaginu og um nýliðna helgi varð 21 tilvik þar sem aðilar með tengsl við Landspítala greindust með sjúkdóminn og krafðist það rakningar og eftir atvikum einangrunar eða sóttkvíar