fbpx
Miðvikudagur 20.október 2021
Fréttir

Um 70 Íslendingar í Kongsberg – Enginn óskað eftir aðstoð

Ágúst Borgþór Sverrisson
Miðvikudaginn 13. október 2021 21:13

Lögreglumenn að störfum í Kongsberg. Mynd:EPA

Ekki missa af Helstu tíðindum dagsins í pósthólfið þitt

Lesa nánar

„Samkvæmt norsku hagstofunni (SSB) eru 69 íslenskir ríkisborgarar skráðir með búsetu í Kongsberg. Eins og sakir standa hefur enginn haft samband við borgaraþjónustuna og óskað eftir aðstoð,“ segir Sveinn Guðmarsson, deildarstjóri hjá utanríkisráðuneytinu, við fyrirspurn DV um stöðu mála varðandi Íslendinga í Kongsberg í Noregi, í kjölfar árásar manns með boga á vegfarendur í bænum undir kvöldið.

„Að sinni er lítið um málið að segja,“ segir Sveinn en vísar í tilkynningu sem sendiráð Íslands í Osló birti fyrr í kvöld: „Fyrr í kvöld birti sendiráðið í Ósló tilkynningu á samfélagsmiðlum þar sem Íslendingar í Kongsberg og nágrenni voru hvattir til að láta aðstandur vita af sér ef allt væri í lagi en hafa samband við borgaraþjónustu utanríkisráðuneytisins ef þeir þyrftu á aðstoð að halda.“

Tilkynningin er eftirfarandi:

„Íslendingar í Kongsberg í Noregi: látið aðstandendur vita ef það er í lagi með ykkur en hafið samband við neyðarnúmer borgaraþjónustu, +354 545-0112 ef aðstoðar er þörf. Sendiráðið fylgist vel með framvindu mála í Kongsberg. Virðið lokanir og tilmæli yfirvalda og fylgist með staðbundnum fjölmiðlum. Mikið álag er á símkerfi borgarinnar þessa stundina og því best að nota samfélagsmiðla til að láta vita af sér.
Við munum birta frekari upplýsingar eftir atvikum.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Ölvaður ók á stólpa
Fréttir
Fyrir 21 klukkutímum

Skarphéðinn dagskrárstjóri RUV viðurkennir loksins að Fanney Birna sé hætt

Skarphéðinn dagskrárstjóri RUV viðurkennir loksins að Fanney Birna sé hætt
Fréttir
Fyrir 22 klukkutímum

Veitingamaður sáttur við tilslakanirnar – „Ég er bara kátur“

Veitingamaður sáttur við tilslakanirnar – „Ég er bara kátur“
Fréttir
Í gær

Teppasalinn með útsöluverðin miður sín eftir sektina – „Ég er í mjög miklu áfalli og á sama tíma mjög ringlaður“

Teppasalinn með útsöluverðin miður sín eftir sektina – „Ég er í mjög miklu áfalli og á sama tíma mjög ringlaður“
Fréttir
Í gær

Ásgerður gífurlega þakklát – Jólunum bjargað annað árið í röð

Ásgerður gífurlega þakklát – Jólunum bjargað annað árið í röð