Á tólfa tímanum í gærkvöldi slasaðist ökumaður rafskutlu þegar hann féll af henni. Hann var fluttur á bráðadeild með sjúkrabifreið. Í Garðabæ var tilkynnt um þjófnað úr nýbyggingu síðdegis í gær. Þar var verkfærum og þremur klósettum stolið.

Í Hafnarfirði var tilkynnt um innbrot í heimahús síðdegis í gær. Þar var raftækjum stolið.

Á tólfta tímanum í gærkvöldi veittust tveir menn að þeim þriðja í Hlíðahverfi. Þeir skemmdu einnig bifreið hans. Þeir voru á bak og burt þegar lögreglan kom á vettvang.

Í Bústaða- og Háaleitishverfi var ekið á kyrrstæða bifreið í bifreiðastæði á tólfta tímanum. Ökumaðurinn reyndist ekki í ástandi til að stjórna ökutæki.

Í Árbæ varð minniháttar umferðaróhapp á tíunda tímanum. Minniháttar slys urðu á fólki.

Tveir ökumenn voru handteknir í gærkvöldi og nótt grunaðir um að vera undir áhrifum fíkniefna. Í bifreið annars þeirra fundust meint fíkniefni og hinn ökumaðurinn reyndist vera sviptur ökuréttindum.