Föstudagur 05.mars 2021
Fréttir

Stillti símanum upp og tók myndband af barnungum stelpum skipta um föt

Heimir Hannesson
Mánudaginn 18. janúar 2021 11:30

Héraðsdómur Reykjavíkur. Mynd: DV

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjavíkur hefur dæmt mann til þriggja mánaða fangelsisvistar, skilorðsbundið til tveggja ára fyrir að hafa sært blygðunarsemi tveggja stúlkna, sýnt þeim ósiðlegt athæfi og fyrir barnaverndarlagabrot.

Mun maðurinn hafa stillt upp farsíma sínum að kvöldi föstudags 17. maí 2019 inni á baðherbergi á heimili sínu og tekið myndskeið af stelpunum þar sem þær voru naktar eða hálfnaktar að skipta um föt, að því er segir í dómnum.

Maðurinn játaði sök við meðferð málsins og segir í dómnum að hann hefur ekki hlotið dóm áður. Þá segir jafnframt í dómnum að litið verði til þess „hvað honum gekk til með brotinu“ og að það hafi beinst gegn tveimur ungum stúlkum við ákvörðun refsingar.

Forráðamenn stúlknanna gerðu kröfu um sitthvora milljónina í miskabætur og fulltrúi Héraðssaksóknara, sem sótt málið fyrir hönd ákæruvaldsins, krafðist þess að maðurinn yrði dæmdur til refsingar og að hann greiddi málskostnað.

Í ljósi játningar mannsins var maðurinn fundinn sekur um að hafa sært blygðunarsemi stelpnanna, en í hegningarlögum segir: „Hver sem með lostugu athæfi særir blygðunarsemi manna eða er til opinbers hneykslis skal sæta fangelsi allt að 4 árum, en fangelsi allt að 6 mánuðum eða sektum ef brot er smávægilegt.“ Þá varðaði það einnig við barnaverndarlög, en þar er tveggja ára fangelsisvist lögð við því að sýna barni „yfirgang, ruddalegt athæfi, særa það eða móðga.“

Maðurinn var því sem fyrr segir dæmdur í þriggja mánaða skilorðsbundið fangelsi og til að greiða stelpunum sitthvorar 300.000 krónurnar í miskabætur. Þá þarf hann að greiða málskostnað, samtals rétt rúm ein milljón króna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Veitingamaður við Laugaveg lýsir skelfingarástandi hjá ógæfufólki – „Hef aldrei orðið vitni að eins mikilli eymd“

Veitingamaður við Laugaveg lýsir skelfingarástandi hjá ógæfufólki – „Hef aldrei orðið vitni að eins mikilli eymd“
Fréttir
Í gær

Jón Baldvin þarf að svara fyrir meint kynferðisbrot í héraðsdómi – Málinu vísað heim í hérað í annað sinn

Jón Baldvin þarf að svara fyrir meint kynferðisbrot í héraðsdómi – Málinu vísað heim í hérað í annað sinn
Fréttir
Í gær

Engin smit greind innanlands – Fjögur virk smit frá útlöndum

Engin smit greind innanlands – Fjögur virk smit frá útlöndum