Á fyrsta tímanum í nótt voru þrír menn handteknir í miðborginni, grunaðir um líkamsárás og vörslu fíkniefna. Þeir voru vistaðir í fangageymslu. Fórnarlamb árásarinnar var flutt til aðhlynningar á bráðadeild og verður síðan vistað í fangageymslu.
Á sjötta tímanum í gær voru karl og kona handtekin í íbúð í miðborginni. Þau eru grunuð um vörslu/sölu fíkniefna og brot á lyfja- og vopnalögum. Þau voru vistuð í fangageymslu.
Á öðrum tímanum í nótt hafði lögreglan afskipti af manni sem hafði reynt að stela mat og snyrtivörum úr verslun í Bústaðahverfi.
Einn ökumaður var handtekinn í gærkvöldi, grunaður um að vera undir áhrifum fíkniefna.