Um klukkan 23 í gærkvöldi hafði lögreglan afskipti af manni sem var að reyna að komast inn í bifreiðar í Bústaðahverfi. Hann var í mjög annarlegu ástandi og hafði reynt að komast inn í bifreiðar og hafði sparkað í þær. Hann var handtekinn og vistaður í fangageymslu.

Skömmu eftir miðnætti var maður handtekinn í miðborginni en hann var í mjög annarlegu ástandi og neitaði að segja til nafns og var ekki með nein skilríki meðferðis. Hann var vistaður í fangageymslu.

Klukkan 23.03 var tilkynnt um eld í Hátúni. Íbúi komst út af sjálfsdáðum. Eldurinn kom upp í svefnherbergi á fjórðu hæð. Slökkvilið slökkti eldinn. Íbúðin er mikið skemmd.

Í Laugardalshverfi var brotist inn í heimahús.

Tveir ökumenn voru handteknir í nótt grunaðir um að vera undir áhrifum fíkniefna og/eða áfengis.