Lögreglunni var tilkynnt um mann sem væri að berja á glugga í gærkvöldi. Þegar lögreglan kom á vettvang kom í ljós að eldur logaði í herbergi á jarðhæð. Slökkvilið var kallað á vettvang ásamt sjúkrabifreið. Tjón varð á hjólhýsi í gærkvöldi þegar maður á rafskútu ók á það. Hann stakk síðan af frá vettvangi. Málið er í rannsókn.

Fjórir ökumenn voru kærðir fyrir of hraðan akstur í gærkvöldi í Reykjavík. Hraði allra mældist yfir 100 km/klst á svæði þar sem leyfður hámarkshraði er 80 km/klst.

Í austurborginni var slegist í strætisvagni og leysti lögreglan það mál með aðkomu foreldra og tilkynningu til barnaverndaryfirvalda.

Einn ökumaður var handtekinn á kvöld/næturvaktinni grunaður um að vera undir áhrifum fíkniefna.