Lögreglunni á höfuðborgarsvæðinu barst tilkynning um aðila sem var að áreita foreldra sem voru að sækja börn sín við leikskóla í miðbænum rétt fyrir klukkan 16 í dag. Aðilinn kastaði einnig steinum í ökutæki en var að lokum handtekinn og færður í fangaklefa. Aðilinn var í annarlegu ástandi þegar atvikið átti sér stað. Þetta kemur fram í dagbók lögreglu.

Rétt eftir klukkan 16 var annar aðili handtekinn í miðbænum fyrir ölvun á almannafæri og fyrir að fara ekki eftir fyrirmælum lögreglu.

Uppúr hádegi var ökumaður í Árbænum stöðvaður vegna gruns um akstur undir áhrifum vímuefna.  Hann var laus að blóðsýnatöku lokinni.