Á sjöunda tímanum í gær var tilkynnt að rúða hefði verið brotin í verslun í miðborginni. Rúðubrjóturinn gaf sig fram við lögregluna á vettvangi og vildi gera hreint fyrir sínum dyrum. Málið var afgreitt með vettvangsskýrslu. Í austanverðri borginni var tilkynnt um líkamsárás í heimahúsi um klukkan 23. Lögreglan ræddi við málsaðila.

Þrír ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna.

Í Laugarneshverfi var tilkynnt um innbrot í geymslu síðdegis í gær og í Árbæ var tilkynnt um rúðubrot í bifreið á tólfta tímanum. Í miðborginni var tilkynnt um innbrot á tólfta tímanum.

Einn var handtekinn í vesturhluta borgarinnar í gærkvöldi en sá var talsvert ölvaður og er grunaður um eignaspjöll, brot á lögreglusamþykkt og hótanir.