Í gær var snjallúri stolið úr verslun í Hlíðahverfi. Þjófurinn komst undan en þjófnaðurinn náðist á upptöku eftirlitsmyndavéla verslunarinnar. Á gatnamótum Hringbrautar og Nauthólsvegar lentu tvær bifreiðar í árekstri í gær. Einn var fluttur á bráðadeild með minniháttar meiðsl. Ökumenn beggja bifreiða eru grunaðir um að hafa verið undir áhrifum vímuefna.

Fimm ökumenn til viðbótar voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Tveir þeirra reyndust vera sviptir ökuréttindum og annar þeirra ók einnig of hratt eða á 111 km/klst þar sem leyfður hámarkshraði er 80 km/klst.

Í miðborginni var kvartað undan manni í annarlegu ástandi sem var hrópandi í gjallarhorn. Hann lét af hrópunum eftir viðræður við lögregluna.