Stigaleikur íslenskra barna fyrir sumarið hefur vakið athygli á samfélagsmiðlum vegna þess hversu kynferðislegur hann. Svo virðist vera sem börnin sem skipulögðu leikinn séu fædd árið 2005 en hann er byggður á erlendri fyrirmynd.
Leikurinn sem íslenska útgáfan byggist á nefnist Hot Girl Summer og er þar vísað í ákveðna lífsýn sem ber sama nafn, Hot Girl Summer. Forsprakkinn, rapparinn Megan Thee Stallion, útskýrði hvað um væri að ræða þegar talað er um Hot Girl Summer. „Þetta snýst í rauninni um konur – og karla – sem eru bara þau sjálf án allra afsakana, njóta lífsins til hins ýtrasta, lyfta vinunum sínum upp með sér, fylgja sjálfum sér og er drullusama um hvað öðrum finnst um það.“
Í umræddum stigaleik fá grunnskólanemarnir stig fyrir ýmsa hluti, flestir þeirra eru á einn eða annan hátt kynferðislegir en þó ekki allir. Til dæmis er hægt að fá stig fyrir að komast inn í menntaskóla en mun fleiri stig er að fá fyrir að stunda samfarir eða munnmök. Flestu stigin er hægt að fá fyrir að stunda kynlíf í fyrsta skipti og gista með einhverjum sem verið er að hitta reglulega.
Hér fyrir neðan má sjá nákvæman lista yfir það sem hægt er að gera til að fá stig og hversu mörg stig fást fyrir athæfið:
+2 Vinabeiðni frá strák/stelpu á Snapchat
+2 Senda einhverjum vinabeiðni á Snapchat
+2 Komast í menntaskóla sem maður setti í annað val
+5 Komast í menntaskóla sem maður setti í fyrsta val
+5 Kyssa einhvern á munninn
+5 Senda „flex“ mynd
+5 Plana hitting með strák/stelpu
+5 Fara á rúntinn með fólki sem maður þekkir lítið
+5 Fara í partý
+5 Kynnast nýjum vinum
+5 „Friendzonea“
+5 Fá sér heimagert húðflúr
+5 Fá fyrirspurn á netinu um Snapchat eða Instagram aðgang
+10 Fá fyrirspurn um Snapchat eða Instagram aðgang
+10 Hitta eldri (í sviga er sett 04 eða eldri sem þýðir þá að einstaklingarnir sem taka þátt eru að öllum líkindum fædd árið 2005).
+10 Veita einhverjum munnmök
+10 Einhver veitir þér munnmök
+15 Fá eða gefa sogblett
+15 Redda strák eða stelpu fyrir vinkonu
+15 Nektarsund með vinum
+20 Stunda samfarir í fyrsta skiptið sem þið hittist
+20 Stunda samfarir
+20 Hitta tvi á einu kvöldi
+20 Stunda kynlíf með einhverjum sem hefur ekki gert það áður
+25 Stunda samfarir í bíl
+30 Stunda samfarir í fyrsta skipti sem þú hittir hann
+30 Nektarsund með strák eða stelpu
+40 Stunda kynlíf í fyrsta skipti
+40 Gista með strák eða stelpu sem þú ert að hitta
Þá er einnig hægt að fá mínusstig í leiknum. Til dæmis eru veitt 5 mínusstig ef farið er að gráta yfir strák en svo eru veitt 100 mínusstig fyrir að byrja í sambandi á meðan leiknum stendur.
