Karlmaður á áttræðisaldri var á dögunum stoppaður af Lögreglunni á höfuðborgarsvæðinu fyrir hraðakstur. Maðurinn ók bifreið sinni á 73 km/klst en leyfilegur hámarkshraði var einungis 30 km/klst. Þetta kemur fram í færslu á Facebook-síðu Lögreglunnar á höfuðborgarsvæðinu.
Maðurinn verður sviptur ökuréttindum í þrjá mánuði og fær væna sekt upp á 90.000 krónur. Maðurinn er líklegast bólusettur fyrir Covid-19 vegna aldurs en hraðablinda er ekki ein aukaverkana bólusetningar samkvæmt vef Landlæknis.
Ungir ökumenn ollu einnig usla í umdæminu á dögunum en rúmlega tvítugur ökumaður ók eftir Reykjanesbrautinni í Garðabæ á 165 km hraða. Hann var einnig sviptur ökuréttindum í þrjá mánuði en sektin mun hærri eða 250.000 krónur.
https://www.facebook.com/logreglan/posts/4114746865255497
