Á níunda tímanum í gærkvöldi var lögreglunni tilkynnt um blóðugan mann eftir líkamsárás. Lögreglan fór á vettvang og handtók meintan geranda skömmu síðar. Málið er í rannsókn. Á sjöunda tímanum í gær var tilkynn um mann sem stæði úti á svölum heimili síns og öskraði og gréti. Maðurinn reyndist vera ölvaður og þurfti ekki aðstoð lögreglunnar.
Þrír ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna.
Tveir voru staðnir að þjófnaði úr verslun síðdegis í gær. Málið var leyst með vettvangsskýrslu.
