Fjölmiðlamaðurinn Egill Helgson óttast að nýr Covid-19 faraldur sé í uppsiglingu með breska afbrigðinu, sem er meira smitandi en fyrri þekkt afbrigði veirunnar hérlendis. Egill tengir þetta líka við nýja þróun máli á Bretlandi en bresk stjórnvöld virðast vera mótfallin utanlandsferðum í vor og sumar þrátt fyrir að hafa bólusett stóran hluta þjóðarinnar.
Egill skrifar stutta færslu um þetta á Facebook:
„Mann langar að bölva hátt. Er ekki alveg óhjákvæmilegt miðað við fréttir dagsins að nýr kóvíðfaraldur sé í uppsiglingu – og það með breska afbrigðinu?
Það er líka merkilegt til þess að hugsa að bresk stjórvöld sem hafa bólusett stóran hluta þjóðarinnar með Astra Zeneca gjalda varhug við utanlandsferðum í vor og sumar – vegna hættu á nýjum afbrigðum sem gætu rústað bólusetningarherferðinni.“
Fram hefur komið í fréttum í dag að sóttvarnalæknir undirbýr tillögur að hertum sóttvarnaaðgerðum bæði innanlands og við landamærin.
https://www.facebook.com/egill.helgason.5/posts/10159422741010439
