Á ellefta tímanum í gærkvöldi varð umferðaróhapp á Kjalarnes. Tjónvaldur stakk af frá vettvangi en akstur hans var stöðvaður skömmu síðar á Þingvallavegi. Ökumaðurinn og farþegi, par, voru handtekin grunuð um brot á skyldum vegfarenda við umferðaróhapp, akstur bifreiðar undir áhrifum áfengis og fíkniefna, akstur svipt ökuréttindum og fleira. Þegar taka átti blóð sýni úr manninum beit hann lögreglumann í fingur.

Á sjötta tímanum var ekið á ljósastaur á Seltjarnarnesi. Vitni sá ökumanninn ganga á brott frá vettvangi. Hann var handtekinn skömmu síðar og er grunaður um ölvun við akstur. Ökumaðurinn reyndist vera kona á sjötugsaldri og var hún vistuð í fangageymslu vegna rannsóknar málsins.

Á sjötta tímanum í gær var maður handtekinn í Hlíðahverfi, grunaður um þjófnað úr nokkrum verslunum. Hann var vistaður í fangageymslu.

Um klukkan 20 var kona flutt með sjúkrabifreið á bráðadeild en hún er talin hafa dottið á andlitið í strætóskýli. Hún er grunuð um vörslu fíkniefna.

Síðdegis í gær voru tveir ökumenn kærðir fyrir ítrekaðan akstur sviptir ökuréttindum.