Stjórnarmenn Íslensku auglýsingastofunnar hefur óskað eftir því að félagið verði úrskurðað gjaldþrota og bú þess tekið til skiptanna. Hjalti Jónsson, framkvæmdastjóri auglýsingastofunnar staðfesti það við mbl.is nú í kvöld.
Kemur þar fram að um 25 starfsmenn hafi þar starfað. Stofan var stofnuð 1988 og á því 32 ár að baki.
Hjalti benti á að í upphafi árs hafi Icelandair samið við aðra auglýsingastofu og hætt viðskiptum við sig og sína stofu. Í kjölfarið bættust svo áhrif kórónaveirufaraldursins.
Í tilkynningu frá auglýsingastofunni segir að tilraunir til þess að endurskoða rekstrarforsendur eins og leigusamninga hafi ekki borið árangur. Tilraunir til frekari hagræðingar hafi enn fremur ekki tekist sem skyldi. Í ljósi þess hafi eigendur félagsins tekið þá þungbæru ákvörðun að láta staðar numið.
Stofan mun, að óbreyttu, stöðva rekstur sinn næstu mánaðamót.