Landsréttur sýknaði konuna
Í dag sýknaði Landsréttur konuna af ákærunni og vísað bótakröfunni frá dómi. Dómur héraðsdóms er því ómerktur.
Landsréttur kallaði til aðra réttarmeinafræðinga og lagði fyrir þá spurningar um:
- Áverka barnsins.
- Hvort hægt væri að útiloka að áverkarnir væru til komnir með þeim hætti sem yfirmatsbeiðandi hefur borið um í skýrslum hjá lögreglu og síðar fyrir dómi?
- Hvort að áverkarnir gætu skýrst af því að barnið hafi dottið á/utan í barnastól sem barnið sat í og/eða aðra barnastóla sem voru við hlið hans?
Matsmenn voru ósammála í sínum niðurstöðum. Sagði annar matsmannanna að „ekki sé hægt að útiloka að áverkar barnsins hafi komið til á þann hátt sem ákærða hafi útskýrt fyrir lögreglu,“ né væri hægt að útiloka að áverkar hafi komið til við fall á eða utan í barnastóla sem barnið sat í eða þá sem við hlið hennar voru.
Landsréttur segir lögreglurannsókn athugaverða
Þá sagði í dómi Landsréttar að lögreglurannsókn hafi einblínt um of á hvort atburðalýsing konunnar gæti átt stoð í raunveruleikanum, en ekki hafi verið kannað hvort áverkarnir hafi geta orðið til með öðrum leiðum. Þetta mat Landsréttur mikilvægt enda sagði konan að hún hafi verið að sinna öðru barni er slysið varð og því ekki verið með fulla athygli á þá atburðarás sem átti sér stað þegar barnið féll úr stólnum.
Sagði í dómnum að:
Samkvæmt öllu framansögðu verður ekki talið, gegn eindreginni neitun ákærðu, að sannað sé svo að hafið sé yfir skynsamlegan vafa […] að hún hafi veist með ofbeldi að [barninu] á þann hátt sem í ákæru greinir. Af þeim sökum verður ákærða sýknuð af brotunum sem hún er ákærð fyrir.
Áfrýjunarkostnaður sem og málskostnaður er felldur á ríkið. Dóminn má lesa hér.