fbpx
Fimmtudagur 24.september 2020
Fréttir

Segir lögmenn brjóta siðareglur þegar þeir aðstoði hælisleitendur við að tefja mál

Ágúst Borgþór Sverrisson
Miðvikudaginn 16. september 2020 15:08

Einar S. Hálfdanarson (t.v.) og Ibrahim Kehdr

Ekki missa af Helstu tíðindum dagsins í pósthólfið þitt

Lesa nánar

Einar S. Hálfdanarson hæstaréttarlögmaður fer hörðum orðum um lögmenn sem aðstoða umsækjendur um alþjóðlega vernd hér á landi. Segir hann að skipulega sé staðið að vísvitandi innflutningi á ólöglegum innflytjendum hingað til lands. Þetta kemur fram í grein Einars í Morgunblaðinu í dag.

Einar segir að stórfelld ásókn í alþjóðlega vernd á Íslandi sé að hluta til skipulögð en stafi einnig af barnalegri afstöðu Íslendinga til umsækjenda um alþjóðlega vernd.

„Á Íslandi er það svo sem annars staðar í Evrópu að víðtækt stuðningsnet ýmissa aðila stendur að ólöglegum innflutningi fólks. Og reyndar í fáeinum tilfellum við aðstoð að löglegum innflutningi. Að mér telst til eru um 30 manns í fullu starfi hjá Rauða krossinum varðandi umsækjendur um vernd, flestir lögfræðingar. Er þá ótalinn fjöldi annarra lögfræðinga. Í Danmörku myndi það þýða 500 slíkir starfsmenn hjá Rauða krossinum!“ segir Einar í grein sinni.

Segir hann að lögmenn taki þátt í að misnota aðstoð ætlaða flóttafólki með því að stuðla að innflutningi fólks sem augljóslega eigi ekki rétt á vernd:

„Samt er það svo að í mörgum tilfellum er lagt í langa og dýra vegferð til að misnota aðstoð ætlaða flóttafólki. Lögmenn mega auðvitað ekki taka þátt í slíku atferli. Siðareglur lögmanna, sbr. lög um lögmenn, segja beinlínis að lögmaður skuli svo til allra mála leggja, sem hann veit sannast eftir lögum. Lögmaður skal ætíð gefa skjólstæðingi hlutlægt álit á málum hans. Það leiðir af framangreindu að það að skipuleggja og taka þátt í langri tafataktík til að koma í veg fyrir augljóslega lögmæta brottvísun er andstætt siðareglum. – En lög og siðareglur
eru víst bara bindandi þegar útkoman hentar öfgasinnuðu vinstrafólki.“

Í umræðunni um Kehdr-fjölskylduna sem flytja átti nauðungarflutningum úr landi í mörgun en fer núna huldu höfði hefur hefur verið nefnt til sögunnar að fjölskyldufaðirinn Ibrahim er meðlimur í samtökunum Múslímska bræðralaginu. Deilt hefur verið um hvers konar samtök Múslímska bræðralagið sé. Einar bendir á að samverkamenn hryðjuverkaforingjans bin-Laden hafi verið uppfræddir í Bræðralagi múslima og segir síðan:

„Skammur valdatími bræðralagsins í Egyptalandi var blóði drifinn, kirkjur kopta brenndar, þeir ofsóttir og drepnir. Nú er bræðralagið eða hluti þess hrein hryðjuverkasamtök. Í Egyptalandi eru einungis fangelsaðir þeir sem hafa tengsl við hryðjuverkasamtök.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Jói Fel í gjaldþrot
Fréttir
Fyrir 20 klukkutímum

Tæknilegur klaufaskapur Þorbjarnar opinberar aðkomu hans að gagnasöfnun fyrir kæru Samherja

Tæknilegur klaufaskapur Þorbjarnar opinberar aðkomu hans að gagnasöfnun fyrir kæru Samherja
Fréttir
Fyrir 21 klukkutímum

Harðar nágrannaerjur á Arnarnesi – Ragnheiður Clausen vann dómsmál

Harðar nágrannaerjur á Arnarnesi – Ragnheiður Clausen vann dómsmál
Fréttir
Í gær

Vildi ekki sjá blóðugar myndir af vettvangi brots síns

Vildi ekki sjá blóðugar myndir af vettvangi brots síns
Fréttir
Í gær

Kristinn segir að erfiðleikar hafi verið í samskiptum við Jóhann – Sorgleg vinslit og óumflýjanlegur árekstur

Kristinn segir að erfiðleikar hafi verið í samskiptum við Jóhann – Sorgleg vinslit og óumflýjanlegur árekstur
Fréttir
Í gær

Þórólfur gagnrýndur fyrir að tala um „Frakkaveiru“

Þórólfur gagnrýndur fyrir að tala um „Frakkaveiru“
Fréttir
Í gær

Átökin í Siðmennt: Segir Ingu hafa rekið Jóhann vegna persónulegrar óvildar

Átökin í Siðmennt: Segir Ingu hafa rekið Jóhann vegna persónulegrar óvildar
Fréttir
Fyrir 2 dögum

UPPFÆRT: Mennirnir sem leitað var af eru fundnir

UPPFÆRT: Mennirnir sem leitað var af eru fundnir
Fréttir
Fyrir 2 dögum

Eyðilagði þrjá vörubíla og traktor fyrir tugi milljóna við Elliðaárdalinn – Sagðist vera starfsmaður hjá öðru iðnaðarfyrirtæki

Eyðilagði þrjá vörubíla og traktor fyrir tugi milljóna við Elliðaárdalinn – Sagðist vera starfsmaður hjá öðru iðnaðarfyrirtæki
Fréttir
Fyrir 2 dögum
38 ný smit í gær