fbpx
Fimmtudagur 06.ágúst 2020
Fréttir

Segir Helga og Kristinn vitna í falsfréttir um Samherja – „Hreinn og klár tilbúningur“

Jón Þór Stefánsson
Þriðjudaginn 14. júlí 2020 17:00

Ekki missa af Helstu tíðindum dagsins í pósthólfið þitt

Lesa nánar

Páll Steingrímsson, skipstjóri hjá Samherja, telur að í rauninni hafi störf í namibískum sjávarútvegi ekki tapast eftir að Samherji hóf þar starfsemi árið 2012. Þetta kemur fram í pistli sem að birtist á Vísi í dag. Páll hefur undanfarið verið duglegur að verja Samherja og hefur gagnrýni hans fyrst og fremst beinst að Helga Seljan, blaðamanni hjá RÚV.

Sjá einnig: Skipstjóri hjá Samherja hjólar í Helga Seljan – „Ræðst ítrekað að fólki og fyrirtækjum“

Sjá einnig: Helgi Seljan svarar gagnrýninni á frumlegan hátt – „Spurt er um…“

Í síðustu viku fullyrti Willem Olivier, fulltrúi hjá rannsóknarstofnun spillingarmála í Namibí,u að þúsundir manna hefði misst vinnuna vegna spillingarmála sem Samherji væri bendlaður við, en namibískur áhrifamenn eru sakaðir um að hafa þegið greiðslur frá Samherja gegn því að liðka fyrir hrossamakrílkvóta til fyrirtækisins. Willem sagði ástandið svo slæmt að fólk hafi mótmælt fyrir utan skrifstofur rannsóknarstofnunarinnar. Sumir hefðu jafnvel vel svipt sig lífi. Frá þessu var greint í namibískum fjölmiðlum.

Sjá einnig: Samherjamálið fyrir rétti í Namibíu – Segir þúsundir manna hafa misst vinnuna og suma hafa svipt sig lífi

„Falsfréttir namibískra götublaða“

Að mati Páls ganga þessar fullyrðingar ekki upp og segir hann upplýsingarnar koma úr falsfréttum namibískra fjölmiðla.

Ítrekað hefur verið fullyrt í fjölmiðlum að þúsundir starfa hafi tapast í namibískum sjávarútvegi eftir að félög tengd Samherja hófu þar starfsemi á árinu 2012. Opinber gögn sýna hins vegar að þessar fullyrðingar eiga ekki við nein rök að styðjast.

Þeir hafa verið duglegir að klifa á þessu á samfélagsmiðlum þeir Helgi Seljan og Kristinn Hrafnsson og segja að 5.000 störf hafi tapast í sjávarútvegi í Walvis Bay eftir að félög tengd Samherja hófu starfsemi í Namibíu. Vitna þeir falsfréttir namibískra götublaða máli sínu til stuðnings. Helgi hefur þannig endurtekið sama þvætting og hann fór með í morgunútvarpi Rásar 2 í nóvember í fyrra. Það skiptir hins vegar engu máli hvað þessar rangfærslur eru endurteknar oft, þær verða ekki sannar fyrir vikið.

Meðan félög tengd Samherja voru þátttakendur í namibískum sjávarútvegi voru um 10-11 skip sem voru við veiðar á uppsjávartegundum í Namibíu og fengu úthlutað kvóta. Á stærstu skipunum voru kannski 100 skipverjar, eins og á togaranum Heinaste. Margsinnis hefur verið greint frá því að störf við veiðar og vinnslu uppsjávartegunda glötuðust ekki, eftir breytingar á úthlutun aflaheimilda í Namibíu, því störfin færðust frá suður-afrískum stórfyrirtækjum, eins og Namsov og Erongo Marine Enterprises, til heimamanna í samstarfi við erlenda aðila.

„Hreinn og klár tilbúningur

Páll vitnar í Matvælastofnun Sameinuðu þjóðanna og segir það einfaldlega ekki ganga upp að 5000 manns hafi misst vinnuna. Hann segist hafa bent Kristinni Hrafnssyni, ritstjóra WikiLeaks á þetta, sem að neiti að svar ahonum. Páll segir töpuðu störfin vera tilbúning og því hafi Kristinn ekki svarað honum:

Matvælastofnun Sameinuðu þjóðanna (FAO) gerir reglulegar úttektir á namibískum sjávarútvegi. Samkvæmt úttekt FAO störfuðu 12.130 í namibískum sjávarútvegi í byrjun árs 2013. Af þeim voru aðeins um 2.000 sem störfuðu í kringum veiðar og vinnslu á hestamakríl en félög tengd Samherja stunduðu nær eingöngu veiðar á þessari tegund. Raunar kemur fram í úttekt FAO að störfum við veiðar og vinnslu hestamakríls hafi fjölgað í Namibíu eftir úthlutun aflaheimilda til nýrra aðila en þar er meðal annars um að ræða samstarfsaðila Samherja.

Félög tengd Samherja voru með um 10% af kvótanum í uppsjávartegundum í Namibíu á árinu 2013. Þetta þýðir að félögin voru með 10% aflahlutdeild í þeim hluta namibísks sjávarútvegs er veitti 2.000 manns atvinnu. Samt er fullyrt að 5.000 störf hafi tapast! Menn sjá í hendi sér að þessi tölfræði gengur ekki upp. Ég benti Kristni Hrafnssyni á þetta á Facebook-síðunni hans og lét fylgja hlekk á síðu FAO þar sem allar þessar tölur koma fram. Núna, tæpum fimm sólarhringum síðar, hefur hann ekki enn svarað mér. Ástæðan er auðvitað sú að hann getur ekkert sagt. Hvernig ætlar hann að hrekja tölfræði FAO? Eru sérfræðingar stofnunarinnar að segja ósatt?

Hvar voru þá öll þessi störf sem töpuðust eftir að félög tengd Samherja hófu starfsemi í Namibíu? Þau voru hvergi, því fullyrðingar um töpuð störf eru hreinn og klár tilbúningur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 2 dögum

Átta ný innanlandssmit

Átta ný innanlandssmit
Fréttir
Fyrir 2 dögum

Íslensk amfetamínframleiðsla á uppleið

Íslensk amfetamínframleiðsla á uppleið
Fréttir
Fyrir 3 dögum

Íslensk erfðagreining með stóra skimun á Akranesi

Íslensk erfðagreining með stóra skimun á Akranesi
Fyrir 3 dögum

Súr gúrka í eftirrétt Víðmelinga

Súr gúrka í eftirrétt Víðmelinga