Guðni Th. Jóhannesson virðist stefna í frekari setu á Bessastöðum. En miðað við fyrstu tölur hefur fengið yfirgnæfandi meirihluta atkvæða í öllum kjördæmum. Guðni talaði stuttlega við blaðamann DV. Hann lýsti yfir einlægu þakklæti sínu í garð þjóðarinnar.
„Þetta eru ánægjuleg tíðindi. Það er mér mikils virði að finna þann stuðning sem ég nýt í þessum kosningum. Hann gefur sterklega til kynna að Íslendingar kunni að meta mín verk á forsetastóli, síðastliðin fjögur ár. “
Guðni sagði að þjóðin treysti á hann á að takast á við frekari verkefni á Bessastöðum. Þá sagðist hann sjálfur hlakka til frekari verkefna í forsetastól.
„Þjóðin virðist treysta mér til að gegna þessu embætti fjögur ár til viðbótar. Ég er fullur auðmýktar, þakklætis og tilhlökkunar að takast á við þau miklu verkefni og drjúgu ábyrgð sem fylgja því að gegna embætti forseta Íslands.“
Guðni sagðist ekki finna fyrir miklu stressi, það hefði verið talsvert meira árið 2016, þegar hann bauð sig fyrst fram.
„Ég var miklu stressaðari 2016. Stress er mér ekki ofarlega í huga núna. Það liggur í hlutarins eðli.“
Þegar að þessi frétt er skrifuð þá er Guðni með 91% atkvæða gegn 9% Guðmundar Franklíns.
