Tveir lögreglumenn voru frelsissviptir í seinustu viku þegar að þeir fóru í útkall í heimahús á Völlunum, Hafnarfirði vegna hávaða. Annar þeirra rotaðist í átökum við þá sem voru á heimilinu og fóru þeir báðir á slysadeild í kjölfar atviksins. Frá þessu var greint í kvöldfréttum Stöðvar 2.
Tveir karlmenn hafa verið handteknir vegna málsins sem er litið alvarlegum augum, en upptaka er til af atvikinu.