Leitin að skipverjanum sem saknað er á Vopnafirði hefur engan árangur borið. Leit hefur staðið yfir í dag.
Þann 18.maí síðastliðinn barst tilkynning til Lögreglunnar á Austurlandi um að skipverja væri saknað af fiskiskipi eftir að skipið kom til hafnar í Vopnafirði. Leit hófst í kjölfarið.
Leitarsvæðið frá Tangasporði að Sandvík hefur verið leitað í tvígang sem og sandfjörur í Sandvík. Leit á sjó hefur verið frestað vegna sjógangs en leitarskilyrði verða endurskoðuð þegar líður fram á kvöld. Frekari leit á landi verður ekki haldið áfram í dag.
Leit morgundagsins verður skipulögð í fyrramálið og reiknað er með að sú leit verði með svipuðu sniði og í gær og leitarsvæðið hið sama.