Konan sem lést úr COVID-19 á Landspítalanum í síðustu viku hét Jóninna Margrét Pétursdóttir. Hún er frá Hveragerði. Eiginmaður hennar liggur á gjörgæslu, þungt haldinn af sjúkdómnum. Jóninna var með asthma en þó almennt hraust, eftir því sem sonur hennar, Þröstur Reynisson, segir í viðtali við Stundina.
Jóninna var 71 árs gömul en eiginmaður hennar er 75 ára. Að sögn Þrastar hefur faðir hans ávallt verið stálhraustur.
„En hún var ein þegar andlátið bar að garði. Það er mjög erfitt að vita til þess,“ segir Þröstur við Stundina. Hann segir jafnframt að móðir sín hafi verið hans besti vinur.
Þröstur er með mikilvæg skilaboð til þjóðarinnar á þessum örlagatímum: „Almenningur er hins vegar allt of værukær og þarf alvarlega að skoða sín mál þegar kemur að samskiptum og forvörnum.“
Á hinn hrósar hann starfsfólki Landspítalans í hástert fyrir hetjulega framgöngu í starfi.