Fjallað var um líf Þorkels Sigurfinnssonar sem hefur verið áberandi í íslensku viðskiptalífi um langan tíma á vef Lifðu núna. Þorkell hefur verið til dæmis verið formaður Framtakasjóðs Íslands og verið í stjórn fyrirtækja líkt Össurar og Marel, auk þess var hann einn stofnenda Viðskiptablaðsins og starfaði um tíma hjá HR.
Í frétt Lifðu núna er minnst á grein Þorkels úr lesbók Morgunblaðsins árið 1987. Í greininni velti Þorkell framtíðinni fyrir sér, en margt sem fram kom í spá Þorkels virðist hafa ræst.
“Áður en þú byrjar að vinna, greiðir þú nokkra reikninga. Til þess notarðu tölvuskerm, sem tengdur er gegnum símalínu við bankann. Þú tekur út af reikningnum og greiðir bílatrygginguna, símareikninginn og matarreikninginn. Úr því að þú ert sest við skerminn, velurðu þér einnig myndir sem þú vilt sjá í sjónvarpinu í kvöld og tekur frá sæti nr. 57 og 58 í Þjóðleikhúsinu á laugardagskvöldið.“
Þá spurði Þorkell einnig út áhrif mengunar og mögulega heimskreppu. Þó sagði hann þurfa að gefa sér þá forsendu að engar róttækar breytingar myndu eiga sér stað í þeim málum.
“Kemur mengun lofts og sjávar til með að versna verulega, breyta lifnaðarháttum og jafnvel ógna lífi á jörðinni?“
“Verður veruleg kreppa erlendis og hrun í heimsverslun?“
Sumum þótti spá Þorkels fjarstæðukennd, en stuttu eftir að hún birtist lenti hann í áfalli. Þorkell fótbrotnaði við fall og lenti í hjólastól. Hann hafði verið með æxli í fæti þegar hann var sex ára, en það hafði verið fjarlægt með aðgerð. Þorkell hafði verið í fínu ástandi eftir aðgerðina, en við fótbrotið gat hann ekki gengið lengur.
Þorkell lét áfallið ekki halda sér aftur, en líkt og áður segir hefur hann verið mjög áberandi í Íslensku viðskiptalífi, en hann segist hafa verið mjög heppinn í lífinu.