fbpx
Sunnudagur 05.apríl 2020
Fréttir

Bláa lónið lokar út apríl vegna COVID-19

Ágúst Borgþór Sverrisson
Mánudaginn 23. mars 2020 11:40

Bláa lónið / Blue Lagoon

Ekki missa af Helstu tíðindum dagsins í pósthólfið þitt

Lesa nánar

Bláa lónið varður lokað til 30. apríl. Nokkra athygli vekur að lokunin nær lengra en endadagsetningin á hinu herta samkomubanni sem er til 12. apríl. Í fréttatilkynningu frá fyrirtækinu kemur fram að ekki er útilokað að lokunin verði framlengd. Fréttatilkynningin er eftirfarandi:

„Varnir

Í ljósi heimsfaraldurs Covid-19 og fyrirmæla íslenskra yfirvalda um hert samkomubann hefur Bláa Lónið lokað starfstöðvum sínum tímabundið frá og með deginum í dag til og með 30. apríl nk.  Lokunin tekur til starfsemi fyrirtækisins í Svartsengi og verslana á Laugaveginum og í Flugstöð Leifs Eiríkssonar.

 

Grímur Sæmundsen, forstjóri Bláa Lónsins:

„Á tímum sem þessum er mikilvægt að við stöndum saman og gerum það sem í okkar valdi stendur til að hefta útbreiðslu Covid-19. Við vonumst til að hægt verði að opna fyrr en útilokum þó ekki framlengingu lokunar. Það mun koma í ljós eftir því sem þróuninni vindur fram hérlendis og ekki síður erlendis næstu vikur en um 98% af gestum Bláa Lónsins eru erlendir ferðamenn.

Hvað varðar áhrif lokunarinnar á störf þá verður reynt að verja þau eins og hægt er. Verið er að meta stöðuna þessa stundina en horft verður til úrræðis ríkisstjórnarinnar um greiðslu atvinnuleysisbóta vegna minnkandi starfshlutfalls.“

 

Vernd

Bláa Lónið hefur virt í hvíhvetna tilmæli yfirvalda og viðhaldið nánu samstarfi við sóttvarnarlækni frá upphafi.

Neyðar- og viðbragðsáætlanir fyrirtækisins hafa sannað gildi sitt. Öflugt öryggistreymi hefur staðið vaktina dag og nótt til að tryggja að fyrirmælum yfirvalda sé fylgt og þannig öryggi starfsfólks okkar og gesta.

„Með því að loka nú erum við ekki síður að horfa til þess að vernda starfsfólk og draga úr smithættu þess en hjá fyrirtækinu starfa tæplega 800 manns“, segir Grímur.

 

Viðspyrna

Þó að starfstöðvum verði lokað þá mun starfsemin ekki öll stöðvast. Við munum einbeita okkur að innri verkefnum, viðhaldsmálum, viðskiptaþróunarmálum, stafrænni þróun og markaðsmálum. Markmið okkar verður að bæta enn upplifun gesta okkar og þjónustu þannig að þegar opnað verður á ný séum við tilbúin í öfluga viðspyrnu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Góðverk eru smitandi
Fréttir
Í gær

Andlát á Suðurnesjum rannsakað sem sakamál – Einn í gæsluvarðhaldi

Andlát á Suðurnesjum rannsakað sem sakamál – Einn í gæsluvarðhaldi
Fréttir
Í gær

Kvennablaðið snýr aftur: „Nú er tími til að ræða málin“

Kvennablaðið snýr aftur: „Nú er tími til að ræða málin“
Fréttir
Fyrir 3 dögum

Lækna-Tómas hjólar í VG – „Það er eitthvað mikið rangt við þetta allt saman“

Lækna-Tómas hjólar í VG – „Það er eitthvað mikið rangt við þetta allt saman“
Fréttir
Fyrir 3 dögum

Ferðaþjónustufyrirtæki fengu ekki greitt frá greiðslumiðlunarfyrirtækjum um mánaðarmótin

Ferðaþjónustufyrirtæki fengu ekki greitt frá greiðslumiðlunarfyrirtækjum um mánaðarmótin
Fréttir
Fyrir 3 dögum

Frosti og Ólína skrifa opið bréf til sóttvarnaráðs – „Hefði verið mögulegt að draga enn frekar úr hættu á því að COVID-19 bærist inn í samfélagið“

Frosti og Ólína skrifa opið bréf til sóttvarnaráðs – „Hefði verið mögulegt að draga enn frekar úr hættu á því að COVID-19 bærist inn í samfélagið“
Fréttir
Fyrir 4 dögum

Réðst á starfsmann Nettó Lágmúla og sagðist vera með COVID-19

Réðst á starfsmann Nettó Lágmúla og sagðist vera með COVID-19