fbpx
Þriðjudagur 20.apríl 2021
Fréttir

Þormar Vignir Gunnarsson er látinn

Ágúst Borgþór Sverrisson
Mánudaginn 30. nóvember 2020 16:00

Ljósmynd af Þormari: Guðmundur Guðbergsson

Ekki missa af Helstu tíðindum dagsins í pósthólfið þitt

Lesa nánar

Þormar Vignir Gunnarsson, ljósmyndari og trésmiður, er látinn. Hann varð bráðkvaddur að heimili sínu 12. nóvember síðastliðinn. Þormar var fæddur þann 30. september árið 1973 og kvaddi því í blóma lífsins.

Þormar var vinnusamur maður, hafði trésmíði að lifibrauði en starfaði líka ötullega að ljósmyndun, sem var ástríða hans. Hann vann til dæmis mikið fyrir DV og Morgunblaðið. Sigtryggur Ari Jóhannsson, ljósmyndari á Fréttablaðinu, á góðar minningar um samstarf við Þormar og minnist hans í stuttu samtali við DV:

„Það er leitun að þægilegri og blíðari manni. Í stétt fjölmiðlamanna, hvort sem það eru blaðamenn eða ljósmyndarar, hafa margir þörf fyrir að brynja sig gegn köldum veruleika með kaldhæðni. Þorri var ekki þannig heldur hreinn og beinn, ljúfur og þægilegur. Fyrir utan að vera góður ljósmyndari var hann vinnusamur og samviskusamur, fór alltaf í öll verk og skilaði alltaf öllu, aldrei neitt vesen. Indælisdrengur að vinna með. Hann var frekar hæglátur en mjög tilfinninganæmur. Hann var afspyrnu hjálpsamur og ljúfur drengur.“

Eftirlifandi eiginkona Þormars er Helena Benjamínsdóttir en þau giftust fyrir tveimur árum. Saman eignuðust þau dótturina Guðrúnu Von. Þormar lætur einnig eftir sig stúlku og pilt, Thelmu Rut, sem er tvítug, og Mikael Bjarka, 16 ára. Ennfremur lætur Þormar eftir sig stjúpdótturina Sólrúnu Líf.

Útför Þormars Vignis Gunnarssonar verður frá Langholtskirkju, fimmtudaginn 3. desember kl. 15. Vegna samkomutakmarkana verða aðeins allra nánustu aðstandendur viðstaddir en útförinni verður streymt á Youtube.

DV sendir fjölskyldu og vinum Þormars Vignis Gunnarssonar innilegar samúðarkveðjur.

Þeim sem vilja styrkja fjölskyldu Þormars fjárhagslega á þessum erfiðu tímum er bent á eftirfarandi styrktarreikning: 0511-26-5559 Kt. 020675-5519

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

60 daga skilorðsbundið fangelsi fyrir að kýla lögreglumann

60 daga skilorðsbundið fangelsi fyrir að kýla lögreglumann
Fréttir
Í gær

27 greindust innanlands í gær en aðeins 2 utan sóttkvíar – Samtals 44 smit um helgina – Upplýsingafundur almannavarna hafinn

27 greindust innanlands í gær en aðeins 2 utan sóttkvíar – Samtals 44 smit um helgina – Upplýsingafundur almannavarna hafinn
Fréttir
Fyrir 3 dögum

Forstjóri Play auglýsir laus störf hjá flugfélaginu – Segir að fyrsta flugið verði á þessu ári – „Bæng bæng“

Forstjóri Play auglýsir laus störf hjá flugfélaginu – Segir að fyrsta flugið verði á þessu ári – „Bæng bæng“
Fréttir
Fyrir 3 dögum

Tvö smit innanlands – Bæði smitin utan sóttkvíar

Tvö smit innanlands – Bæði smitin utan sóttkvíar