Í dag birti DV myndband af því þegar að tveimur mólatóvkokteilum var kastað í hús á Freyjugötu í Þingholtunum. Fréttablaðið hefur nú greint frá því að um vitlaust hús var að ræða. Árásin hafi átt að beinast að fólki sem flutti út fyrir um það bil þremur vikum.
Árásin sem birtist á myndbandi í dag er talin tengjast MMA-bardagamanni sem hefur verið mikið til umræðu í vikunni, en önnur mólótóvaárás er tengd við manninn, auk líkamlegs ofbeldis.
Í samtali við Fréttablaðið sagði einn íbúi í Freyjugötu að að um þriðju kokteilaárásina væri að ræða.
„Þetta er ömurlegt. Þetta er ekki bara ein árás það eru komnar núna þrjár árásir á húsið núna,“
„Þetta er svo hættulegt fyrir alla aðra íbúa í húsinu. Það er ekki eins og þetta beinist að einum aðila. Maður eiginlega bara farinn að vakta húsið og ég vildi helst alltaf vera með lögregluna hérna fyrir utan en það er svosem ekki í boði,“