Þrír eru í haldi lögreglunnar á höfuðborgarsvæðinu eftir líkamsárás þar sem eggvopni var beitt. Í tilkynningu frá lögreglunni kemur einnig fram að einn hinna handteknu geti átt von á að vera kærður fyrir brot á sóttkví.
Annars var nóttin róleg hjá lögreglunni. Akstur eins ökumanns var stöðvaður en sá reyndist vera sviptur ökuréttindum og auk þess var bifreið hans ótryggð.