Í lok september var stolið flugeldum úr gámi við Skógarlind í Kópavogi að verðmæti um 266 þúsund krónur. Maður hefur nú verið ákærður fyrir að veita flugeldunum viðtöku og koma þeim í geymslu á Selfossi. Hefur maðurinn verið ákærður fyrir peningaþvætti en til vara fyrir hylmingu fyrir að taka við þessum flugeldum sem hann hefði mátt vita að væru stolnir.

Flugeldarnir eru eftirfarandi samkvæmt ákæru frá héraðssaksóknara:

Maðurinn er 34 ára gamall Hafnfirðingur. Auk þessarar ákæru er hann ákærður fyrir fjölmörg umferðarlaga- og fíkniefnabrot.

Málið verður tekið fyrir við Héraðsdóm Reykjaness þann 2. desember næstkomandi.

Ekki hefur tekist að birta manninum ákæru og hefur hún verið birt í Lögbirtingablaðinu. „Ákærði er kvaddur til að koma fyrir dóm, hlýða á ákæru, halda uppi vörnum og sæta dómi. Sæki ákærði ekki þing má hann búast við því að fjarvist hans verði metin til jafns við það að hann viðurkenni að hafa framið brot það sem hann er ákærður fyrir og dómur verði lagður að honum fjarstöddum,“ segir í fyrirkallinu.