fbpx
Miðvikudagur 20.janúar 2021
Fréttir

Tveir fyrrverandi formenn Heimdallar rífast um ÁTVR og frelsi í áfengissölu

Ágúst Borgþór Sverrisson
Fimmtudaginn 22. október 2020 20:00

Ingvar Smári Birgisson (t.v.) og Ólafur Stephensen, framkvæmdastjóri Félags atvinnurekenda

Ekki missa af Helstu tíðindum dagsins í pósthólfið þitt

Lesa nánar

Þeir Ingvar Smári Birgisson lögmaður og Ólafur Stephensen, framkvæmdastjóri Félags atvinnurekenda (FA), standa í ritdeilu á Vísir.is vegna nýrra frumvarpsdraga dómsmálaráðherra að nýjum áfengislögum þar sem gert er ráð fyrir því að frelsi í áfengissölu verði aukið. Í drögunum er gert ráð fyrir að heimila bæði vefverslun með áfengi og smásölu þess á framleiðslustöðum innlendra framleiðenda.

Eins og við greindum frá í gærkvöld gagnrýnir Ingvar FA harkalega fyrir að gera athugasemdir við frumvarpið og leggja þar með stein í götu þess. Í sem stystu máli gengur málflutningur Ingvars út á það að FA sé að gæta hagsmuna stórra framleiðenda og innflytjenda sem eigi þægilegt hillupláss í verslunum ÁTVR og samtökin séu því í grímulausri hagsmunabaráttu.

Í svargrein á Vísir.is í dag bendir Ólafur á að Ingvari hafi láðst að skýra frá því í sinni grein að hann er sjálfur einn höfunda frumvarpsdraganna. Þess má geta að Ólafur og Ingvar eru báðir fyrrverandi formenn Heimdallar, félags sem ávallt hefur lagt þunga áherslu á einstaklingsfrelsi og viðskiptafrelsi.

Ólafur bendir jafnframt á að í gagnrýni FA á frumvarpið komi meðal annars fram að félagið vilji ganga lengra í frjálsræðisátt en frumvarpdrögin ganga, samanber eftirfarandi:

„FA gagnrýnir að eingöngu innlendir framleiðendur sem brugga undir 500.000 lítrum af sterku öli árlega eigi að hafa heimild til að selja áfengi í smásölu. FA bendir á að þetta útilokar nokkra framleiðendur öls og alla framleiðendur annarra og sterkari drykkja, sem eru fjölmargir og fæstir innan vébanda FA. Eiga þó öll sömu rök við um þessi fyrirtæki og smærri ölbrugghús, eins og að þau hafa byggt upp ferðamennsku í kringum rekstur sinn og ættu að fá að selja gestum sínum áfengi sem þeir geta tekið með sér. Hér vill FA ganga lengra í frelsisátt en frumvarpshöfundar.“

Þá gagnrýnir FA að gert sér ráð fyrir því í drögunum að eingöngu innlendir framleiðendur megi selja áfengi (sína framleiðslu) í smásölu en ekki innflytjendur.

Önnur gagnrýnir FA varðar það að ekki stendur til að afnema bann á áfengisauglýsingum.

Þá segir ennfremur í grein Ólafs:

„FA spyr hvernig eigi að leysa úr þeirri stöðu að með því að netverzlun sé heimiluð sé ÁTVR komin í beina samkeppni við einkafyrirtæki í sölu áfengis á netinu, en hafi áfram einkarétt á hefðbundinni smásölu. Þá sé orðinn til einkaréttarhluti og samkeppnishluti innan ÁTVR eins og fleiri ríkisstofnana, sem hefur yfirleitt ekki kunnað góðri lukku að stýra og þarf þá sérstakt eftirlit með samkeppnisháttum ríkisstofnunarinnar. Út í þetta virðast höfundar frumvarpsdraganna ekkert hafa hugsað. Er þeim alveg sama um ójafna samkeppni ríkisins við einkafyrirtæki?“

Ólafur segir það misskilning hjá Ingvari að FA hafi sérstaka ást á ÁTVR. Mikilvægt sé að vanda til verka við vinnslu lagafrumvarpa og athugasemdir FA séu viðleitni í þá átt. Hálfkák í lagabreytingum búi til ný vandamál.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ágúst í Slæs segir ásakanir um hugverkstuld kolrangar – Merki Slæs úr einum stærsta myndabanka í heimi

Ágúst í Slæs segir ásakanir um hugverkstuld kolrangar – Merki Slæs úr einum stærsta myndabanka í heimi
Fréttir
Í gær

Harmleikurinn í Skötufirði – Litli drengurinn er látinn

Harmleikurinn í Skötufirði – Litli drengurinn er látinn
Fréttir
Í gær

Fartölvuþjófurinn handtekinn – Sögð hafa ætlað að selja fartölvu Pelosi til rússnesku leyniþjónstunnar

Fartölvuþjófurinn handtekinn – Sögð hafa ætlað að selja fartölvu Pelosi til rússnesku leyniþjónstunnar
Fréttir
Í gær

Lést í reiðhjólaslysi í Breiðholti

Lést í reiðhjólaslysi í Breiðholti
Fréttir
Fyrir 2 dögum

Heiðurstengt ofbeldi á Íslandi – Heit kartafla sem fólk vill kannski ekki vita af

Heiðurstengt ofbeldi á Íslandi – Heit kartafla sem fólk vill kannski ekki vita af
Fréttir
Fyrir 2 dögum

Brot á sóttvarnarreglum – Innbrot og eldsvoði

Brot á sóttvarnarreglum – Innbrot og eldsvoði