fbpx
Sunnudagur 17.janúar 2021
Fréttir

Sporthúsið lokar aftur vegna sundrungar í samfélaginu – „Ég biðst innilega afsökunar“

Jón Þór Stefánsson
Fimmtudaginn 22. október 2020 17:05

Þröstur Jón Sigurðsson eigandi Sporthússins, /Ernir

Ekki missa af Helstu tíðindum dagsins í pósthólfið þitt

Lesa nánar

Þröstur Jón Sigurðsson, eigandi líkamsræktarstöðvarinnar Sporthússins tilkynnti rétt í þessu að stöðin myndi loka aftur frá og með 23. október. Þetta kemur fram á Facebook-síðu Sporthússins. Ástæðan sem er gefin upp, er sundrung í samfélaginu, en umræða um starfsemi líkamsræktarstöðva hefur verið mikið í umræðu undanfarna daga og ljóst er að málið er mjög umdeilt.

Í færslunni biðst Þröstur afsökunar á þeim óþægindum sem þetta „hringl“ hefur ollið. Ákvörðunin sé tekin til að vernda almannahag, þó svo að ekkert smit hafi verið rekið til stöðvarinnar að vitund og sögn Þrastar.

 Yfirlýsinguna sjá í heild sinni hér að neðan.

„Kæru viðskiptavinir og starfsmenn

Mikil og almenn óánægja er í samfélaginu yfir því að Sporthúsið skuli hafa nýtt þá heimild sem kveðið er á um í reglugerð heilbrigðisráðherra og opnað fyrir hóptíma, en ekki farið að tilmælum sóttvarnalæknis, þrátt fyrir að í minnisblaði hans til ráðherra hafi verið lagt til að tilteknar íþróttir gætu hafið starf með takmörkunum, svo sem CrossFit og jóga.

Í ljósi þessa tel ég að ekki hafi verið rétt að svo stöddu að opna Sporthúsið, CrossFit, BootCamp, SuperForm og aðra starfsemi hjá okkur sem kennd er í hópum.

Vegna skilaboða sóttvarnalæknis gegnum fjölmiðla og þeirrar miklu sundrungar sem virðist vera í samfélaginu vegna opnunar líkamsræktarstöðva hef ég ákveðið að axla ábyrgð og loka starfsemi okkar aftur, í von um að það sé rétt ákvörðun fyrir almannahag. Lokunin tekur gildi frá og með 23. október.

Ég biðst innilega afsökunar á þeim óþægindum sem þetta hringl hefur valdið og vona að við komumst í sameiningu gegnum þessa bylgju Covid-19 veirunnar sem allra fyrst.

Mig langar að lokum að benda á það að þrátt fyrir gríðarlegan fjölda heimsókna í Sporthúsið (um 1 milljón heimsókna), frá því að Covid-19 hófst, þá hefur eftir minni bestu vitund ekkert smit verið rakið til okkar. Öll umræða um líkamsræktarstöðvar sem gróðrarstíu Covid-19 á því að mínu mati ekki við um okkar starfsemi, enda höfum við og viðskiptavinir okkar lagt gríðarlega hart að okkur við að gæta að ýtrustu sóttvörnum.

Með von um að friður skapist í samfélaginu með þessari ákvörðun og vonandi getum við opnað Sporthúsið að fullu áður en langt um líður.

Kær kveðja, Þröstur Jón“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Pappakassar fullir af ógreindum leghálssýnum í Hamraborg

Pappakassar fullir af ógreindum leghálssýnum í Hamraborg
Fréttir
Í gær

Pochettino greindist með Covid-19

Pochettino greindist með Covid-19
Fréttir
Fyrir 2 dögum

Tilkynnt um sjö andlát í kjölfar bólusetningar með bóluefni Pfizer

Tilkynnt um sjö andlát í kjölfar bólusetningar með bóluefni Pfizer
Fréttir
Fyrir 2 dögum

Vinkona árásarþola ræðir við DV – „Ekki réttlátt að það sé verið að drulla yfir okkur á kommentakerfum“

Vinkona árásarþola ræðir við DV – „Ekki réttlátt að það sé verið að drulla yfir okkur á kommentakerfum“
Fréttir
Fyrir 2 dögum

Kröfu um kyrrsetningu brunarústanna við Bræðró hafnað

Kröfu um kyrrsetningu brunarústanna við Bræðró hafnað
Fréttir
Fyrir 2 dögum

Móðir árásarþola úr Borgarholtsskóla stígur fram – Segir son sinn hafa verið látinn gjalda fyrir að stöðva ofbeldi gegn stúlku

Móðir árásarþola úr Borgarholtsskóla stígur fram – Segir son sinn hafa verið látinn gjalda fyrir að stöðva ofbeldi gegn stúlku