Héraðssaksóknari hefur ákært mann fyrir kynferðislega misnotkun barns. Er maðurinn þar sagður hafa strokið barninu utanklæða um maga og kynfæri og í eitt skipti snert kynfæri hennar innanklæða.
Stúlkan var fimm ára gömul er brotin hófust, samkvæmt ákærunni, og eru þau sögð hafa haldið áfram í sex ár, eða þar til hún var 11 ára. Við brotum af þessu tagi liggur allt að sex ára fangelsi.
Er þess krafist í ákæru saksóknara að maðurinn verði dæmdur til refsingar og greiðslu alls sakarkostnaðar. Foreldrar stúlkunnar gera þá kröfu að maðurinn greiði stúlkunnu eina milljón í miskabætur vegna brota sinna.
Málið var þingfest í Héraðsdómi Reykjaness í dag.
