Á fyrsta tímanum í nótt hafði lögreglan afskipti af tveimur ölvuðum mönnum í miðborginni. Annar þeirra er grunaður um brot á sóttkví en hann er nýkominn til landsins. Hann var vistaður í fangageymslu.

Á ellefta tímanum í gærkvöldi var maður handtekinn þar sem hann svaf ölvunarsvefni við útidyr hótels í miðborginni og var ekki hægt að opna dyrnar. Maðurinn var ósjálfbjarga vegna ölvunar og var vistaður í fangageymslu.

Einn ökumaður var handtekinn í nótt, grunaður um að vera undir áhrifum fíkniefna.