Afskipti voru höfð af tveimur aðilum í gærkvöldi og nótt sem höfðu verið staðnir að hnupli úr verslunum í miðborginni og Bústaðahverfi. Á fyrsta tímanum í nótt var tilkynnt um þjófnað úr aðstöðu starfsfólks á veitingastað í Breiðholti. Bíllyklum og öðrum verðmætum var stolið.
Fjórir ökumenn voru handteknir í nótt, grunaðir um að vera undir áhrifum fíkniefna og/eða áfengis. Tveir þeirra gerðust sekir um akstur sviptir ökuréttindum og það ekki í fyrsta sinn. Einn var sviptur ökuréttindum til bráðabirgða að sýnatöku lokinni.