DV fékk ábendingu um að Rögnvaldur Ólafsson, deildarstjóri hjá Almannavörnum, hefði smitast af COVID-19. Eftir að DV hafði sent fyrirspurn á Rögnvald sjálfan, sem ekki var aðgengilegur í síma, barst svar við fyrirspurninni frá Jóhanni K. Jóhannssyni, upplýsingafulltrúa Almannavarna, sem staðfesti ábendinguna. Svar hans er eftirfarandi:

„Ég get staðfest að Rögnvaldur Ólafsson, aðstoðaryfirlögregluþjónn hefur greinst jákvæður fyrir COVID-19 og hefur hann verið í einangrunsíðustu daga. Hann hefur einkenni veirunnar og heilsast vel miðað við aðstæður. Þrír aðrir samstarfsmenn fóru í sóttkví eftir að smitið uppgötvaðist. Almannavarnadeild fer ítarlega eftir reglum og leiðbeiningum um sóttvarnir og samkomutakmarkanir og hafa veikindi Rögnvalds og sóttkví þriggja starfsmanna ekki haft áhrif á starfsemi almannavarnadeildar.“