Hin skæða nóvóveira hefur fundist í ostrum frá fyrirtækinu Dai Phat Trading ehf. Hefur fyrirtækið í samráði við Heilbrigðiseftirlit Reykjavíkur innkallað vöruna. Viðskiptavinum sem hafa keypt vöruna er bent á að neyta hennar ekki og farga eða skila henni í þeirri verslun þar sem hún var keypt gegn endurgreiðslu.
Helstu einkenni nóvóveirusýkingar eru uppköst og/eða niðurgangur sem fylgt geta kviðverkir, beinverkir, höfuðverkur og stundum hiti. Sjúkdómurinn gengur í langflestum tilfellum yfir á einum til tveimur sólarhringum án meðferðar.