fbpx
Fimmtudagur 24.september 2020
Fréttir

Keppni í sjálfsklappi og launastríði

Svarthöfði
Sunnudaginn 12. janúar 2020 13:30

Ekki missa af Helstu tíðindum dagsins í pósthólfið þitt

Lesa nánar

Svarthöfði ætlar ekki, frekar en flestir, að þverneita fyrir að sigur tónlistarkonunnar Hildar Guðnadóttur á Golden Globe-hátíðinni hafi verið verðskuldaður og kærkominn, enda flink og frambærileg kona í sínu fagi. Þetta greiðir líka augljóslega veginn fyrir hinn tilvonandi og sögulega Óskarssigur Íslendings ef marka má spána. Hið fúla er að ekkert af þessu skiptir neinu máli fyrir neinn nema einstaklinginn sem tekur við styttunni og listaelítuna sem hamrar á samfélagslegu mikilvægi svona apparata.

Þetta er allt saman æfing í sjálfsklappi og launastríði. Sjónvarpsaðdáendur gleðjast yfir því að sjá uppáhaldsstjörnurnar sínar spreyta sig utan vinnu sinnar og vera upp á sitt mannlegasta, en þú finnur aldrei betra dæmi um tilgerð og glans eða sýndarmennsku, sem er á skjön við eðli listarinnar.

Verkin tala og list á að vera metin af fólki, ekki nefndum eða papparössum. Að skipa nefnd til þess eins að setja gæðatitla á listræn verkefni undir þeim formerkjum hvað hafi gildi og hvað ekki, fer svolítið gegn því að taka á móti listinni eins og hún er og myndast þar af leiðandi ógurleg mótsögn með dassi af svokölluðum elítisma. Því er vert að hafa í huga að einu marktæku verðlaunaafhendingarnar eru venjulega þær sem lítið fer fyrir. En ef útsendingin er bein, eru líkur á því að lygin sé það líka.

Verðlaunahátíðir sverja sig í ætt við matvæla- og eldsneytisiðnað, bornar uppi af græðgi, markaðsherferðum og prósentutölum. Á hverju ári eru þúsundir verðlaunahátíða haldnar, og þar erum við einungis að ræða um Bandaríkin og kvikmyndabransann, sem gefur vísbendingu um fáránlega heildarmynd gildisleysisins. Hvernig gripirnir og glansinn missir ekki marks í þessum hafsjó er ofvaxið skilningi Svarthöfða, án þess að dregið sé úr ánægju fólks yfir því að þrasa um það hvaða kjólar eða jakkaföt séu fallegust á rauða dreglinum.

Hildur mun að öllum líkindum vinna þessi Óskarsverðlaun og Svarthöfði mun samgleðjast henni fyrir þau tækifæri sem fylgja útbreiðslu á nafni hennar og þeirri launahækkun sem sjálfkrafa fylgir tilnefningunni einni og vissulega sigrinum. Ísland hefur lengi verið land tilþrifaríks listafólks sem getur allan fjandann og það er svo sannarlega ánægjulegt að fylgjast með stærri heimi fagfólks taka sífellt betur eftir okkar flottu lítilmögnum klakans.

Að gefnu tilefni vill Svarthöfði óska Hildi til hamingju með árangurinn fram að þessu og framtíðina björtu. Hún er búin að vinna fyrir þessu. Nú er hún formlega komin nær því að vera hluti af eina prósentinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 13 klukkutímum

57 smit í gær – 2400 manns í sóttkví

57 smit í gær – 2400 manns í sóttkví
Fréttir
Fyrir 15 klukkutímum

Telur að Gunnar fái í mesta lagi sex ára fangelsi

Telur að Gunnar fái í mesta lagi sex ára fangelsi
Fréttir
Í gær

Vandamál með klám í Rimaskóla – „Einhver í skólanum sagði honum að gera það“

Vandamál með klám í Rimaskóla – „Einhver í skólanum sagði honum að gera það“
Fréttir
Í gær

Steinunn Ólína hvetur til borgaralegar óhlýðni – Varar fólk við því að gerast leynilöggur

Steinunn Ólína hvetur til borgaralegar óhlýðni – Varar fólk við því að gerast leynilöggur
Fréttir
Í gær

Fangelsisrefsing liggi við fölsun og dreifingu nektarmynda

Fangelsisrefsing liggi við fölsun og dreifingu nektarmynda
Fréttir
Í gær

100 manna glæpagengi umsvifamikið í afbrotum – Vanmáttug lögregla

100 manna glæpagengi umsvifamikið í afbrotum – Vanmáttug lögregla
Fréttir
Fyrir 2 dögum

Ríkislögreglustjóri auglýsir eftir egypsku fjölskyldunni

Ríkislögreglustjóri auglýsir eftir egypsku fjölskyldunni
Fréttir
Fyrir 2 dögum

Héraðsdómur hafnar kröfu írakskrar fjölskyldu – Óttuðust „valdamikinn hershöfðingja“ vegna ljósmynda úr svallpartíi

Héraðsdómur hafnar kröfu írakskrar fjölskyldu – Óttuðust „valdamikinn hershöfðingja“ vegna ljósmynda úr svallpartíi