Laugardagur 25.janúar 2020
Fréttir

Hrakfarir Mountaineers of Iceland vekja heimsathygli

Máni Snær Þorláksson
Föstudaginn 10. janúar 2020 18:00

Ekki missa af Helstu tíðindum dagsins í pósthólfið þitt

Lesa nánar

Fyrirtækið Mountaineers of Iceland hefur vakið mikla athygli í fjölmiðlum eftir að greint var frá því að fyrirtækið hafi flutt 39 manns á Langjökul þrátt fyrir slæmar veðurviðvararnir. Björgunarsveitarmenn þurftu að bjarga fólkinu en 300 manns frá sveitinni tóku þátt í björgunaraðgerðunum. Nú hafa hrakfarirnar ratað í heimsfréttirnar en BBC fjallaði um málið í dag.

BBC fjallaði um málið með myndbandi sem útskýrir það í þaula. Í myndbandinu má sjá hvernig aðstæður voru á Langjökli á meðan á björgunaraðgerðunum stóð. Auk þess notar BBC efni úr kvöldfréttum RÚV þar sem rætt er við Kára Rafn Þorbjörnsson, björgunarsveitarmann sem lagði sitt af mörkum á jöklinum. Blaðamaður BBC lýsir því að björgunarsveitin hafi þurft að „koma sér í gegnum myrkur og ýlfrandi væl“ til að koma fólkinu til hjálpar. Einnig segir í fréttinni að einhverjir túristar hafi „óttast að þeir myndu deyja“. Þá hafa fleiri breskir fjölmiðlar fjallað um málið, Mail Online þar á meðal. Aftonbladet í Svíþjóð fjallaði einnig um málið.

„Við erum öll gjörsamlega miður okkar yfir þessu“

Í kjölfar slyssins ræddi RÚV við Hauk Herbertsson, rekstrarstjóra Mountaineers of Iceland, en þar hélt því fram að fyrirtækið hafi ekki stefnt fólkinu í hættu. Haukur viðurkenndi þó að mistök hafi átt sér stað. Hann segir að starfsmenn hafi gert sér grein fyrir aðstæðum, en haldið að ferðalagið yrði búið áður en vonda veðrið myndi skella á. Einnig hélt Haukur því fram að ástæðan fyrir því að ferðinni yrði ekki aflýst hefði ekkert með peninga að gera. „Við vorum meðvitaðir um það og okkar áætlanir voru að vera farnir af svæðinu áður en þetta veður kæmi,“

Haukur vill meina að allt hafi verið reynt til að tryggja öryggi fólksins í ferðinni og því hafi Mountaineers of Iceland ekki stefnt fólkinu í hættu. Hann segir þó að fyrirtækið og starfsmenn þess séu miður sín vegna málsins. „Við erum öll gjörsamlega miður okkar yfir þessu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 21 klukkutímum

Hjónabandsráðgjafi sakaður um óviðeigandi framkomu

Hjónabandsráðgjafi sakaður um óviðeigandi framkomu
Fréttir
Fyrir 22 klukkutímum

Mannanafnanefnd hafnaði „einu af nöfnum djöfulsins“

Mannanafnanefnd hafnaði „einu af nöfnum djöfulsins“
Fréttir
Í gær

Hafði 18 ára gamall samfarir við 13 ára stúlku með Asperger – Sýknaður af ákæru um kynferðisbrot

Hafði 18 ára gamall samfarir við 13 ára stúlku með Asperger – Sýknaður af ákæru um kynferðisbrot
Fréttir
Í gær

Óánægja vegna prófs til löggildingar bókara hefur kraumað árum saman – Elva sökuð um dónaskap – „Framkoma hennar er fyrir neðan öll velsæmismörk“

Óánægja vegna prófs til löggildingar bókara hefur kraumað árum saman – Elva sökuð um dónaskap – „Framkoma hennar er fyrir neðan öll velsæmismörk“
Fréttir
Í gær

Fauk í Björn eftir símtal frá frænku hans: „Ég missti hökuna niður í bringu“ – Grátbað hann um að reyna allt til að snúa ákvörðuninni við

Fauk í Björn eftir símtal frá frænku hans: „Ég missti hökuna niður í bringu“ – Grátbað hann um að reyna allt til að snúa ákvörðuninni við
Fréttir
Í gær

Ungir piltar bönkuðu upp á og veittust að húsráðanda í Hlíðunum

Ungir piltar bönkuðu upp á og veittust að húsráðanda í Hlíðunum