New York Times sagði frá því í dag að ríkisstjórn Donalds Trumps bandaríkjaforseta hafi sett reglur í dag sem munu koma í veg fyrir starfsemi Tik Tok og WeChat í Bandaríkjunum. Öppin eru bæði kínversk. Reglugerðin mun hafa áhrif á yfir 100 milljón notendur símaforritana í Bandaríkjunum.
Reglugerðin takmarkar peningafærslur í gegnum WeChat innan Bandaríkjanna frá og tekur gildi á sunnudag. Þá mun reglan koma í veg fyrir að bandarísk fyrirtæki bjóði WeChat veghýsingu og aðra vefþjónustu sem er nauðsynleg daglegum rekstri forritsins. Sömu takmarkanir munu taka gildi fyrir TikTok þann 12. nóvember.
Viðskiptamálaráðherra Bandaríkjanna Wilbur Ross sagði við New York Times að aðgerðir forsetans sanna það enn einu sinni að Donald Trump muni gera hvað sem er í hans valdi til að vernda þjóðaröryggi Bandaríkjanna og ógnir sem stafa af kínverska kommúnistaflokknum.
Brot á reglum ríkisstjórnarinnar munu varða allt að milljón dollara sektum og fangelsi í allt að 20 ár.
Þannig er ljóst að dagar WeChat í Bandaríkjunum eru taldir frá og með miðnætti á mánudaginn næsta, en TikTok fær að lifa fram í miðjan nóvember.