Margir hafa stigið fram og fordæmt svívirðilegar hótanir og óprenthæf ummæli sem leikkonan Þórdís Björk Þorfinnsdóttir hefur mátt þola undanfarið. Forsagan er sú að Þórdís lét misskilinn brandara falla á Instagram-reikningi sínum um Kópasker og Raufarhöfn, athugasemd sem var tilkomin vegna veðurfars:
„Jæja þá erum við búin að koma á helv.. Kópasker. Keyrðum á Kópasker og Raufarhöfn bara til að geta krossað það út af listanum, mæli alls ekki með að koma hingað, bara alls ekki gera það.“
Fréttablaðið greindi frá því í morgun hafa Þórdísi borist á annan tug skilaboða frá nafngreindu fóli sem hótaði henni lífláti, nauðgun og grófu obeldi. Mun hún kæra hótanirnar til lögreglu.
Hér að neðan er eitt dæmi um þessi skilaboð:
Rannsóknarblaðamaðurinn Helgi Seljan fjallar stuttlega um málið á Twitter og segir eftirfarandi:
Hér eru einfaldlega hegningarlagabrot í bunkum.
Það að kalla þetta netníð, smættar glæpina sem þetta fólk framdi allt.
Og: Takið eftir hvernig meirihlutinn af þeim sem móðgast fyrir hönd þessara plássa, er fólk sem hefur sjálft kosið að fara þaðan. Er það líka dauðasök?
Þingmaðurinn Andrés Ingi Jónsson ritar eftirfarandi færslu um málið:
„Svona ógeðsleg viðbrögð hefði karlmaður aldrei fengið! Og vandinn er ekki bundinn við Kópasker og Raufarhöfn heldur er þetta bara kristaltær birtingarmynd kvenfyrirlitningarinnar sem gegnsýrir allt samfélagið.“
