Lögreglan á Suðurnesjum hafði afskipti af unglingum sem hlaupið höfðu í veg umferð í Keflavík á hlaupahjólum sínum. Þetta gerðu þau að leik sínum. Hlaust talsverð truflun af þessu fyrir umferð í bænum og segir það sig sjálft að töluverð hætta hefur skapast af þessu athæfi krakanna.

Var þetta ekki í fyrsta sinn sem lögreglan hefur afskipti af slíkum verknaði, því í fyrrakvöld þurfti lögregla einnig að stöðva unglinga á hlauaphjólum sem iðkuðu að hlaupa fyrir bíla. Í bæði skiptin var rætt við foreldra krakkanna, þeim veitt tiltal og ekið til síns heima.

Þá skarst lögreglan í leik 10 ára stráka sem voru að reiða hvor annan á vespu, hjálmlausir. Því máli var einnig lokið með tiltali og aðkomu forráðamanna þeirra.

Þetta kemur fram í tilkynningu lögreglunnar á Suðurnesjum. Í þeirri sömu tilkynningu segir að fáeinir hafi verið kærðir fyrir of hraðan akstur. Sá sem hraðast ók fór á 142 km hraða. Má hann búast við nokkuð reffilegri sekt.