Lögreglan á höfuðborgarsvæðinu hefur sent frá sér yfirlýsinga varðandi stórbrunann í húsi á horni Bræðraborgarstígs og Vesturgötu í lok síðasta mánaðar. Maður sem liggur undir grun um íkveikju verður áfram í gæsluvarðahaldi. Tilkynning lögreglunnar er eftirfarandi:
„Karlmaður á sjötugsaldri var í morgun í Héraðsdómi Reykjavíkur úrskurðaður í áframhaldandi gæsluvarðhald til 6. ágúst á grundvelli almannahagsmuna. Var það gert að kröfu Lögreglunnar á höfuðborgarsvæðinu í þágu rannsóknar hennar á bruna á Bræðraborgarstíg síðari hluta júnímánaðar.
Rannsókninni miðar vel áfram en ekki er hægt að gefa frekari upplýsingar að svo stöddu.“
