Framboð Guðna Th. Jóhannessonar til forseta íslands ætlar sér ekki hvorki að halda kosningavöku, né kosningakaffi í kjölfar kosninganna sem fram munu fara um helgina. Þetta staðfestir Sveinn Waage, sem kemur að framboði Guðna í samtali við DV.

Ástæðan er smithætta af COVID-19, en þau sem koma að framboðinu telja ekki ábyrgt að halda teiti þar sem að stór fjöldi manns myndi koma saman.

„Útaf COVID höfum við verið að velta þessu mikið fyrir okkur og því miður verðum við hvorki með kosningakaffi né kosningavöku. Við viljum hafa vaðið fyrir neðan okkur. Við ætlum að reyna að hafa stemmingu á netinu. Vera kannski á Facebook og hafa gaman.“

„Að hóa saman fólki á þessum tímum er bara ekki ábyrgt. Eins og okkur langar það ofboðslega mikið. Okkur var líka farið að hlakka til og allt það, en við tókum samt þessa ákvörðun.“

Sveinn sagði að ekki lægi fyrir hvar Guðni yrði staddur um kvöldið, hann yrði þó aðgengilegur fjölmiðlum þegar að fyrstu tölur birtast.

Ekki náðist í framboð Guðmundar Franklíns, mótframbjóðanada Guðna, og því er ekki vitað hvort að hann haldi kosningavöku eða kaffi