Vísindamenn Johns Hopkins háskólasjúkrahússins í Bandaríkjunum skoða nú hvort að íslensk uppfinning geti hjálpað í baráttunni við COVID-19. Fréttablaðið greinir frá þessu.
Íslenska svefnrannsóknarfyrirtækið Nox Medical bjó til tækið sem gæti dregið úr þeim fjölda sem þurfa á öndunarvél er þeir glíma við sjúkdóminn. Tækið gerir læknum kleyft að mæla öndun sjúklinga í rauntíma á virkilega nákvæman hátt.
Rannsóknir á tækinu og áhrifum þess munu hefjast fljótlega. Nánar er hægt að lesa um málið á Fréttablaðið.is.
