„Við erum að fylla núna í 600 poka af þurrvöru og 600 af frystri og grænmeti. Þeir eru að fara að keyra út núna klukkan fimm og okkur vantar svo svakalega fleiri hendur,“ segir Ásgerður Jóna Flosadóttir formaður Fjölskylduhjálparinnar.

Klukkan 17 í dag verða keyrðar út heimsendingar af vörum til þeirra sem eru hjálpar þurfi. Fjölskylduhjálpin bráðvantar fleiri sjálfboðaliða til að pakka vörunum og hafa allt klárt þegar flutningamennirnir koma

Vilt þá láta gott af þér leiða. Þá skaltu fara að Iðufelli 14, þar sem aðalstöðvar Fjölskylduhjálparinnar eru, og hjálpa til við að koma matvöru í hendur bágstaddra Íslendinga.