Ákveðið hefur verið að selja aðeins í annað hvert sæti í Smárabíói og Háskólabíói, sjálfvirkni verður aukin og snertiflötum gesta fækkað. Þessar aðgerðir verða að fullu komnar til framkvæmda frá og með næsta mánudegi, en þegar hefur verið gripið til ýmissa aðgerða vegna stöðunnar og tillit tekið til ráðlegginga yfirvalda og sóttvarnarlæknis. Nú hefur verið ákveðið að taka næsta skref með því að hafa rúmlega tveggja metra bil á milli sæta og tryggja að fjöldi gesta og starfsfólks verði aldrei meiri en 100 manns á sama tíma. Þeir sem koma saman, til að mynda pör, vinir og fjölskyldur, geta svo fært sig saman, en á sama tíma haft nóg pláss á milli sín og næsta hóps.