Alls 109 hafa nú greinst með kórónuveiruna á Íslandi. Langflestir hafa komið frá síðasvæðum í Ölpunum en auk þess hefur bæst við fólk sem var að koma frá Bandaríkjunum. Tuttugu og fjórir hafa fengið smit út frá þessum einstaklingum.

Þetta kom fram á blaðamannafundi um COVID-19 veiruna í dag. Þórólfur Guðnason sóttvarnalæknir segir að veiran sé enn í vexti. Hann segir að fólk sem hafi smitast af þeim sem komu frá útlöndum hafi verið upp í viku að greinast og veikjast.

Alls hafa 1000 sýni verið greind og um 900 manns eru í sóttkví.

Tveir hafa verið lagðir inn á Landspítalann en hvorugur er alvarlega veikur núna.

Enn hefur ekki verið lýst yfir samkomubanni á Íslandi og sagði Þórólfur að það mál væri í vinnslu hjá starfshópi. Ýmsar leiðir væru til að útfæra samkomubann og sagði hann að þær væru í skoðun. Norðurlöndin hefðu farið mismunandi leiðir varðandi samkomubann út frá hámarksfjölda og fleira.

Nánar upplýsingar um COVID-19 veirunar er að finna á vef Landlæknis.